माधव नेपालले प्रचण्ड र देउवा मोह नत्यागे मसहित धेरै साथीले साथ छाड्छाैँ

नेकपा (एमाले)का सचिव योगेश भट्टराईले माधवकुमार नेपालले बदलीय परिस्थितिमा पनि शेरबहादुर देउवाको निवास वुढानिलकण्ठ तर्फको मोह छाड्न नसके आफू लगायत धेरै साथीले उहाँको साथ छाड्ने बताउनुभएको छ । सगरमाथा टेलिभिजनको एसटीभी च्याटमा प्रकाश गिरीसँग कुरा गर्दै उहाँले बदलीय परिस्थितिमा पनि उहाँले सकारात्मक दिशा नसमाते उहाँको पछि नलाग्ने स्पष्ट पार्नुभयो ।

 

उहाँले चित्त नबुझ्दा नबुझ्दै माधव नेपालले नयाँ पर्टी खोल्नुभयो भने पनि त्यसमा नलाग्ने उद्घोष गर्नुभयो । उहाँले नेकपा एमाले जेठ २ को अवस्थाबाट अघि बढ्नुपर्ने र प्रतिनिधिसभा पुनस्थापना भए एमाले चाँडै नै एकढिक्का भएर अघि बढ्ने बताउनुभयो ।

 

पार्टी अध्यक्ष केपी शर्मा ओली र वरिष्ठ नेता नेपालको आआफ्नो ठाउँमा सवल र दुर्बल पक्ष रहेको भन्दै एमालेका लागि सबैले त्यग गर्नुपर्ने बताउनुभयो । उहाँले पछिल्लो समय अध्यक्ष ओली र वरिष्ठ नेता दुबैको तर्फबाट पार्टी एकताका लागि सहयोग पुग्ने सहमतिका बुँदाहरू प्रस्तुत भएको बताउनुभयो ।

 

भट्टराई निकटका सिन्धुलीका गणेश पहाडी वर्तमान सरकारमा संघीय मामिला तथा सामान्य प्रशासन मन्त्रालयको नेतृत्व सम्हाली रहनुभएको छ । भट्टराईले १५ सिट भएको जसपाका ११ जना मन्त्री बनाएर प्रधानमन्त्रीले गल्ती गरेको पनिब बताउनुभयो ।<strong>***** यो समाचार को पुरा भिडियो हेर्न यहाँ तल क्लिक गर्नुहोला *****</strong>

+