कर्णालीको विकासका लागि नीजि क्षेत्रको लगानी आवश्यक छ : मुख्यमन्त्री शाही

Samchar

कर्णालीका मुख्यमन्त्री महेन्द्रबहादुर शाहीले कर्णालीको विकास र परिवर्तनका लागि नीजि क्षेत्रको लगानी आवश्यक रहेको बताएका छन् । त्यसका लागि नीजि क्षेत्रलाई आकर्षित गर्नेतर्फ प्रदेश सरकार कटिबद्ध रहेको उनी बताउँछन् । शुक्रबारदेखि साविक कर्णालीका जिल्लाको भ्रमणमा रहेका शाहीले गृहजिल्ला कालिकोटका प्रमुख पर्यटकीय क्षेत्र नेपालको सबैभन्दा अग्लो पचाल झरनाको बेस क्याम्पमा निर्माण भएको होम स्टे, शान्नी त्रिवेणी गाउँपालिका र नरहरिनाथ गाउँपालिकामा अवस्थित सुथराली विमानस्थल, गौरवको आयोजनाको रुपमा हेरिएको कोटवाडा मान्म केबलकारको सम्भाव्यताको अध्ययन, प्रसिद्ध धार्मिकस्थल त्रिवेणी पाटन लगायतको चर्चित पर्यटकीय स्थलहरूको अवलोकन समेत गरेका छन् ।

उनी नीजि क्षेत्रका केही लगानीकर्तालाई लिएर भ्रमणमा निस्किएका हुन् ।मुख्यमन्त्री शाहीले भने, ‘कर्णाली प्रदेश पर्यटकीय क्षेत्रमा धेरै सम्भावना भएको ठाउँ हो । यहाँका पर्यटकीय आयोजनाहरुलाई स्थानीय तह र प्रदेश सरकारले मात्रै चाहेर पुरा गर्न सक्ने अवस्था छैन । त्यसका लागि नीजि क्षेत्रको लगानी अनिवार्य छ ।’ हाम्रो नीजि क्षेत्रहरूसँग निरन्तर छलफल भैरहेको छ । हामीले लगानीको आह्वान गरेका छौ नीजि क्षेत्र लगानी गर्न तयार छन् ।’***** यो समाचार को पुरा भिडियो हेर्न यहाँ तल क्लिक गर्नुहोला *****

Leave a Reply

Your email address will not be published. Required fields are marked *